३ मंसिर, काठमाडौँ । विश्वसुन्दरी प्रतियोगितामा बारम्बार वाजी मारेको भारतले यसपल्ट १७ वर्षपछि विश्वसुन्दरीको ताज जितेको छ । भारतकी मानुषी चिल्लरले सन् २०१७ को मिस वर्ल्डको ताज जितेकी हुन् । सन् २००० मा प्रियंका चोपडाले यो ताज जितेको १७ वर्षपछि भारतले फ्रेरि यो उपाधि हात पारेको हो ।
चीनको सान्या सहरमा आयोजित भव्य कार्यक्रमबीच विभिन्न देशका १०७ प्रतिस्पर्धीलाई पछि पार्दै चिल्लरले यो उपाधिमाथि कब्जा जमाइन् ।
उनलाई सन् २०१६ की मिस वर्ल्ड प्युट्रो रिकोकी स्टेफेनी डेल भालेले ताज पहाराइदिइन् ।
वेलायत, फ्रान्स, केन्या र मेक्सिको टप फाइभमा पुगेका थिए ।
२१ वर्षीय चिल्लर हरियाणा राज्यकी वासिन्दा हुन् । उनी यसअघि फेमिना मिस इन्डिया घोषित भएकी थिइन् । उनी हाल दिल्लीमा बस्दै आएकी छिन् । चिल्लर सोनीपतको मेडिकल कलेजमा एमबिबिएस दोस्रो वर्षमा अध्ययनरत छिन् । उनका मातापिता दुवै डाक्टर हुन् ।
नेपालकी निकिता चन्दक टप ४० सम्म पुग्न सफल भएकी थिइन् ।
