विश्वकप क्रिकेटको सेमिफाइनलमा अष्ट्रेलिया र भारतविचको खेल हुँदा भारतीय क्रिकेट टिमका उपकप्तान विराट कोहली १ रनमै आउट भएपछि यसको सम्पूर्ण जिम्मा उनकी प्रेमिका अभिनेत्री अनुष्का शर्मालाई दिइएको छ । सेमिफाइनल खेल हेर्नका लागि अनुष्का अष्ट्रेलिया गएकी थिइन् । विराट १ रनमै आउट हुनुको पछाडि अनुष्का नै दोषी रहेको वुझाई धेरैको छ । तर, भारत आएसँगै अभिनेत्री शर्माले आफ्नो मुख खोलेकी छिन् । उनले आफू एक प्रशंसक भएको नाताले खेल हेर्न स्टेडियममा पुगेको बताएकी छिन् ।
यस्तै उनले मिडियामा विराट र आफ्नो सम्बन्धलाई लिएर भएका विभिन्न खालका टिप्पणी पनि भ्रामक भएको बताइन् । अनुष्काले मिडियाको यस्तो शैलीले आफूलाई दुखी बनाएको बताइन् ।
उनले विराट र आफ्नो सम्बन्धमा यसले कुनै फरक नपार्ने बताएकी छिन् । उनले आफूहरुको सम्बन्ध पहिलेको जस्तै मजबुत रहने र यसमा कुनै आच नआउने बताइन् । विराटको खराव प्रदर्शनको कारक अनुष्का भएको भन्नेहरुका लागि बलिउडका कलाकारले पनि कडा जवाफ दिइसकेका छन् ।
