विभिन्न हर्कतले चर्चामा आउने गायिका लेडी गागाले इन्गेजमेन्ट गरेकी छिन् । कहिले ब्याईफ्रेन्डसँग झगडा त कहिले ब्रेकअप, यस्ता घटनामा पटक-पटक मुछिएकी छिन् उनी ।
सामाजिक सञ्जालमा उनले इन्गेजमेन्ट गरेको तस्बिर पोष्ट गरेपछि उनको इन्गेजमेन्ट भएको खवर सार्वजनिक भएको हो । २८ वर्षीया यी गायिकाले ३३ वर्षीय अभिनेता टेलर किनेईसँग इन्गेजमेन्ट गरेकी हुन् । किनेईले गागालाई विवाहको प्रस्ताव गरेपछि उनीहरुले सप्ताहन्तसँगै मनाएका थिए ।
सन् २०११ मा ‘यु एण्ड आई’ भिडियो सेटमा उनीहरुको पहिलो भेट भएको थियो । त्यसपछिसँगै रहे पनि सन् २०१२ मा छुटि्टएको खवर सार्वजनिक भएको थियो । लेडी गागाको पोकर फेस, ब्याड रोमान्स, एपालुज लगायतका गीत चर्चित छन् । उनले ‘चिक टु चिक’ गीतवाट ग्रामी अवार्ड समेत पाएकी छिन् ।यसवर्ष हुने ओस्कार अवार्डमा समेत उनले गीत गाउने कार्यक्रम रहेको छ । केनईले एनबिसी सिरिज, शिकागो फायर, जिरो डार्क थर्टी लगायतका फिल्ममा अभिनय गरेका छन् ।
