१९ चैत, काठमाडौ / तीन वर्षदेखि थाइल्याण्डमा बसोबास गर्दै आएका पूर्व युवराज पारस आज नेपाल फर्किएका छन् ।
पौने १ बजे उनी आफ्ना केही शुभेच्छुकका साथ त्रिभुवन विमानस्थल ओर्लिएका हुन् ।
थाइल्याण्डमा हुँदा लागू पदार्थ सेवनको कारण पटक पटक जेल परेका उनी हृदयघातका कारण लामो समय अस्पतालसमेत बसेका थिए ।
पारसको स्वागतमा एयरपोर्टमा समर्थकको घुइँचो लागेको थियो ।
पारसपत्नी हिमानी भने विमानस्थल गइनन् । पारस निर्मल निवासमा नबसी बाहिरै बस्ने जनाइएको छ ।
‘अझै पनि आवश्यक उपचारको व्यवस्थाका लागि सुधार केन्द्रमा बस्नुपर्ने र अब हुने आचरण र व्यवहारसमेतलाई ध्यानमा राखेर’ पारसलाई हाल धुम्बाराहीस्थित कुन्डलिनी फिटनेस सेन्टरमा राख्ने व्यवस्था मिलाइएको छ ।
थाइल्यान्डमा रहँदा पारस पटक–पटक लागूऔषधसहित पक्राउ परेका थिए । भविष्यमा पारस शाह नेपालमै रहने वा फेरि विदेश जाने भन्नेबारे आधिकारिकरुपमा केही खुलाइएको छैन ।
