१८ असार, भक्तपुर । मध्यपुरथिमी नगरपालिका–४ क्षयरोग अस्पतालसँगै रोकिराखेको बा १ ख ९११५ नं को स्कुल बसभित्र झुण्डिएको अवस्थामा एक पुरुषको शव फेला परेको छ ।
symbolic image
मध्यपुरथिमि नगरपालिका–४ तछुटोल बस्ने वर्ष ३० का बुद्धकृष्ण नापितको शव बसको सिट माथिको डण्डीमा झुण्डिएको अवस्थामा आज फेला परेको महानगरीय प्रहरी वृत्त थिमिका प्रहरी नायब उपरीक्षक श्यामबाबु ओलीयाले जानकारी दिए ।
मृतकको शव परीक्षणका लागि शिक्षण अस्पताल पठाएको र घटनाको थप अनुसन्धान भइरहेको प्रहरीले जानकारी दिएको छ । घटना रहस्यमय रहेको जनाइएको छ । शव परीक्षण र थप अनुसन्धानअगाडि मृत्यु के कारण भएको हो भन्ने अनुमान गर्न नसकिएको प्रहरीले जनाएको छ ।
