२३ जेठ, सर्लाही । मधेसी मोर्चाभित्रका दुई घटक दलबीच कुटाकुट भएको छ । तराई मधेस लोकतान्त्रिक पार्टीका सांसद जंगीलाल राय र संघीय समाजवादी फोरम नेपालका जिल्ला अध्यक्ष अशोककुमार यादवबीच कुटाकुट भएको हो । जग्गाको कम्पाउण्ड लगाउने विषयमा दुवै पक्षबीच झडप हुँदा चार जना घाइते भएका छन्।
घाइते सांसद जंगीलाल राय (बीचमा)
झडपमा परेर टाउकोमा चोट लागेका रायलाई हेटौंडास्थित अस्पताल भर्ना गरिएको उनका भतिजा सुरेन्द्र रायले जानकारी दिए ।
झडपमा परी वृजनन्दन राय, कपिलदेव राय र अजयकुमार यादव घाइते भएका छन्। राय सर्लाही क्षेत्र नम्बर ५ बाट तमलोपाका निर्वाचित सभासद हुन्। प्रहरीले रायको साथबाट एक थान १२ बोर बन्दुक समेत बरामद गरेको छ।
