धर्मराज कठायत/ महेन्द्रनगर
असोज ८ । नेपालको आन्तरिक मामिलामा हस्तक्षेप गरेको भन्दै कञ्चनपुरका संयुक्त विद्यार्थी संगठनहरुले भारतिय प्रधानमन्त्री नरेन्द्र मोदी र भारतिय भण्डा जलाएका छन् । शुक्रबार बिहान ११ः३0 बजेतिर यहाँका विभिन्न ६ विद्यार्थी संगठनहरुले पश्चिमी सिमा क्षेत्र गड्डाचौकीमा बिरोध स्वरुप भारतिय प्रधानमन्त्री मोदीको पुत्ला दहनका साथै भण्डा समेत जलाएका हुन् । काँग्रेस निकट नेवि संघ, एमाले निकट अनेरास्ववियु, एमाओवादी निकट अखिल क्रान्तिकारी, वैद्य-विप्लप निकट क्रान्तिकारी र राष्ट्रिय जनमोर्चा निकट अखिल छैटौँले नेपालको स्वाभिमानमा भारतले पटक पटक दावा बोलेको भन्दै हस्तक्षेप रोक्न समेत आग्रह गरेका छन् । सुरक्षाकर्मीहरुको बाक्लो उपस्थिती भएका कारण मोदीको पुत्ला र भारतिय भण्डा जलाउँदा प्रहरीले पानी हालेका थिए ।
सिद्धनाथ बहुमुखी क्याम्पसबाट नेपाली झण्डा सहित रयाली निकालेर नारा जुलुस गर्दैै सिमा क्षेत्र गड्डाचौकीसम्म पुगेर कोण सभामा परिणत भएको अखिल क्रान्तिकारीका नेता विरेन्द्र राज विष्टले बताउनुभयो । कोणसभामा बोल्ने नेताहरुले नेपालको आन्तरिक मामिलामा जथाभावि नबोल्न समेत आग्रह गरेका छन् । छिमेकी भएर छिमेको जस्तो व्यवहार गर्न समेत विद्यार्थी नेताहरुले आग्रह गरेका छन् । विद्यार्थी नेताहरुले भारतलाई नाकाबन्दी गर्न समेत चेतावनी दिएका छन् । कोण सभामा विप्लप क्रान्तिकारीका केन्द्रीय सदस्य विपी उपाध्ययले भारतले नेपालमा गिद्दे दृष्टिकोण राखेका कारण पटक पटक नेपालको राष्ट्रियतामा धावा बोलेको बताउनुभयो । अखिल छैटौँका अध्यक्ष महेश जोशीले भारतिय हस्तक्षेप अघि बढे नेपालीहरु त्यसको सामना गर्न तयार भएको चेतावनी दिनुभयो । वैद्य क्रान्तिकारीका अध्यक्ष राम महराले आफ्नो मातृभूमीको रक्षा गर्न नेपालीहरु तयार भएको उद्घोष गर्नुभयो । नेवि संघका अध्यक्ष गंगा भट्टले भारतले नाकाबन्दी गरेर नेपाललाई जिस्क्याउने खोजेको उनको आरोप छ ।
अनेरास्ववियुका अध्यक्ष ओम बस्नेतले नेपालको संविधानको विषयमा भारतले अनावश्यक बखेडा झिक्न नहुने बताए । ‘अंगिकृत नागरिकताधारीले यसो तसो अधिकार दिउ भन्नु गलत भएको छ ।’, उनले भने । अखिल क्रान्तिकारीका केन्द्रीय सदस्य नवराज ऐरले नेपाल कसैको पनि गुलाम नहुने जिकिर गर्नुभयो । आफ्नो देशको राष्ट्रियताका लागि टाउकोमा कफ्न बाँधेर युद्ध लडन तयार भएको उनको दावि छ । ‘नेपालको एक इन्च भूमि दिन तयार छैनौँ, बरु मधेशका अराष्ट्रियता भएका नेताहरुलाई दिन तयार छौँ ।’, उनले भने, ‘टिकेट हामी काटिदिन्छौँ उपेन्द्र, राजेन्द्र महन्त,अमशेसलाई लग्नुहोस ।’
नेपाली राष्ट्रियता झण्डा सहित सिमा पुगेका विद्यार्थी नेताहरुले नेपालको लागि जस्तोसुकै त्याग गर्न तयार भएको उद्घोष गर्दै फर्केका छन् ।
